Barcelona oo Espanyol Ka Badisay Kulankii Catalan derby “SAWIRRO”

Kooxda Barcelona ayaa kulankii Catalan derby garoonkeeda Camp Nou 5-1 uga badisay kooxda Espanyol.

Kooxda Espanyol ayaa goolka la hor martay,waxaana bilowgii ciyaarta u dhaliyay ciyaaryahan Sergio Garcia.

Related posts

Horumarinta arrimaha Isboortiga G/Banaadir oo laga shiray “SAWIRRO”

April 1, 2022

5

Ra’iisul Wasaare Rooble oo dhagax dhigay garoonka kubadda cagta ee Degmada Garbahaarey “SAWIRRO”

July 10, 2021

4

Ciyaaryahan Lionel Messi ayaa dhamaadkii qeybtii hore ee ciyaarta gool barbardhac ah u dhaliyay kooxda Barcelona,sidasi ayaana lagu kala nastay qeybtii hore ee ciyaarta.

Bilowgii qeybtii labaad ee ciyaarta ayaa Lionel Messi gool labaad u dhaliyay kooxda Barcelona.

Ciyaaryahan Gerard Pique ayaa goolka sedaxaad oo madax ahaa u dhaliyay kooxda Barcelona.

Ciyaaryahan Pedro Rodriguez ayaa daqiiqadii 77-aad ee ciyaarta goolka afaraad u dhaliyay kooxda Barcelona.

Ciyaaryahan Lionel Messi ayaa daqiiqadii 81-aad ee ciyaarta goolka shanaad u dhaliyay kooxda Barcelona,waxana uu ahaa goolkiisii hat-trick ee ciyaarta.

Ciyaaryahan Messi ayaa dhaliyay hat-trick-giisii 21-aad,waxana uu labo hat-trick ka danbeeyaa ciyaaryahan Ronaldo oo xalay dhaliyay hat-trick-giisii 23-aad.

Kooxda Barcelona ayaa kaalinta labaad uga jirto horyaalka Spain ee La Liga,waxana ay leedahay 34-dhibcood,halka kooxda Espanyol ay horyaalka uga jirto kaalinta 12-aad,iyadoo leh 14-dhibcood.