Kooxda Chelsea ayaa garoonkeeda Stamford Bridge barbardhac 1-1 ah kula gashay kooxda Burnley.
Kooxda Chelsea ayaa goolka la hor martay,waxaana daqiiqadii 14-aad ee ciyaarta u dhaliyay ciyaaryahan Branislav Ivanovic,sidasi ayaana lagu kala nastay qeybtii hore ee ciyaarta.
Garsoorihii ciyaarta Martin Atkinson ayaa daqiiqadii 70-aad ee ciyaarta kaarka casaanka ah u taagay ciyaaryahan Nemanja Matic oo khadka dhexe uga ciyaara kooxda Chelsea.
Ciyaaryahan Matic ayana ciyaari doonin finalka koobka Capital One oo sabtida soo socoto kooxda Chelsea garoonka Wembley kula ciyaari doonto kooxda Chelsea.
Ciyaaryahan Matic ayaa sidoo kale aan ciyaari doonin kulamada ka tirsan horyaalka ingiriiska oo ay kooxda Chelsea la kala ciyaari doonto kooxaha West Ham United iyo Southampton.
Ciyaaryahan Ben Mee ayaa daqiiqadii 81-aad ee ciyaarta goolka bareejada u dhaliyay kooxda Burnley.
Kooxda Chelsea ayaa horyaalka ingiriiska ee Premier League-ga ku hogaamineyso 60-dhicood,halka kooxda Burnley ay ka mid tahay sedaxda kooxood ee horyaalka ugu hooseeya.
Kooxda Crystal Palace ayaa waxaa garoonkeeda Selhurst Park 1-2 uga badiyay kooxda Arsenal.
Kooxda Arsenal ayaa goolka la hor martay,waxaana daqiiqadii sideedaad ee ciyaarta gool rigoore ahaa u dhaliyay ciyaaryahan Santi Cazorla.
Ciyaaryahan Olivier Giroud ayaa dhamaadkii qeybtii hore ee ciyaarta goolka labaad u dhaliyay kooxda Arsenal,sidasi ayaana lagu kala nastay qeybtii hore ee ciyaarta.
Ciyaaryahan Glenn Murray ayaa dhamaadkii ciyaarta gool u dhaliyay kooxda Crystal Palace.
Kooxda Arsenal ayaa soo gashay kaalinta sedaxaad ee horyaalka ingiriiska,waxana ay leedahay 48-dhibcood,halka kooxda Crystal Palace ay horyaalka uga jirto kaalinta 13-aad,iyadoo leh 27-dhibcood.
Kooxda Swansea City ayaa garoonkeeda Liberty Stadium 2-1 uga badisay kooxda Manchester United.
Kooxda Manchester United ayaa goolka la hor martay,waxaana daqiiqadii 28-aad ee ciyaarta u dhaliyay ciyaaryahan Ander Herrera.
Ciyaaryahan Sung-Yueng Ki ayaa daqiiqadii 30-aad ee ciyaarta goolka bareejada u dhaliyay kooxda Swansea City,sidasi ayaana lagu kala nastay qeybtii hore ee ciyaarta.
Ciyaaryahan Jonjo Shelvey ayaa daqiiqadii 73-aad ee ciyaarta goolka labaad u dhaliyay kooxda Swansea City.
Kooxda Manchester United ayaa u dhaadhacday kaalinta afaraad ee horyaalka ingiriiska,waxana ay leedahay 47-dhibcood,halka kooxda Swansea City ay horyaalka uga jirto kaalinta sagaalaad,iyadoo leh 37-dhibcood.
Kooxda Aston Villa ayaa waxaa garoonkeeda Villa Park 1-2 uga badiyay kooxda Stoke City.
Kooxda Aston Villa ayaa goolka la hor martay,waxaana daqiiqadii 20-aad ee ciyaarta u dhaliyay ciyaaryahan Scott Sinclair.
Ciyaaryahan Mame Biram Diouf ayaa dhamaadkii qeybtii hore ee ciyaarta goolka bareejada u dhaliyay kooxda Stoke City,sidasi ayaana lagu kala nastay qeybtii hore ee ciyaarta.
Ciyaaryahan Victor Moses ayaa dhamaadkii ciyaarta goolka guusha oo rigoore ahaa u dhaliyay kooxda Stoke City.
Ciyaaryahan Ron Vlaar ayaa dhamaadkii ciyaarta kaarka casaanka ah ka qaatay kooxda Ston Villa.
Tababaraha cusub ee kooxda Aston Villa Tim Sherwood ayaa guul darro la kulmay kulankii ugu horeysay ee horyaalka.
Kooxda Stoke City ayaa horyaalka ingiriiska uga jirto kaalinta tobanaad,waxana ay leedahay 36-dhibcood,halka kooxda Aston Villa ay kamid tahay sedaxda kooxood ee horyaalka ugu hooseya.
Kooxda Hull City ayaa garoonkeeda KC Stadium 2-1 uga badisay kooxda Queens Park Rangers.
Kooxda Hull City ayaa goolka la hor martay,waxaana daqiiqadii 16-aad ee ciyaarta u dhaliyay ciyaaryahan Nikica Jelavic.
Garsoorihii ciyaarta Anthony Taylor ayaa daqiiqadii 33-aad ee ciyaarta kaarka casaanka ah u taagay ciyaaryahan Joey Barton oo khadka dhexe uga ciyaarta kooxda Queens Park Rangers.
Ciyaaryahan Charlie Austin ayaa dhamaadkii qeybtii hore ee ciyaarta goolka bareejada u dhaliyay kooxda Queens Park Rangers.
Ciyaaryahan Dame N’Doye ayaa dhamaadkii ciyaarta goolka labaad ee guusha u dhaliyay kooxda Hull City.
Kooxda Hull City ayaa kala horeynta horyaalka ingiriiska uga jirto kaalinta 15-aad,waxana ay leedahay 26-dhibcood,halka kooxda Queens Park Rangers ay horyaalka uga jirto kaalinta 17-aad,iyadoo leh 22-dhibcood.
