Stoke City oo Ka Badisay Arsenal iyo QPR oo ka Adkaatay Burnley “SAWIRRO”

Kooxda Stoke City ayaa garoonkeeda Britannia Stadium 3-2 uga badisay kooxda Arsenal.

Kooxda Stoke ayaa qeybtii hore ee ciyaarta dhalisay sedaxda gool,waxaana u kala dhaliyay ciyaaryahanada kala ah Peter Crouch, Bojan Krkic iyo Jonathan Walters.

Related posts

Horumarinta arrimaha Isboortiga G/Banaadir oo laga shiray “SAWIRRO”

April 1, 2022

5

Ra’iisul Wasaare Rooble oo dhagax dhigay garoonka kubadda cagta ee Degmada Garbahaarey “SAWIRRO”

July 10, 2021

4

Kooxda Arsenal ayaa qeybtii danbe ee ciyaarta dhalisay labo gool,waxaana u kala dhaliyay ciyaaryahanada kala ah Santi Cazorla iyo Aaron Ramsey.

Ciyaaryahan Calum Chambers ayaa dhamaadkii ciyaarta kaarka casaanka ah ka qaatay kooxda Arsenal.

Kooxda Arsenal ayaa kala horeynta horyaalka ingiriiska uga jirto kaalinta lixaad,waxana ay leedahay 23-dhibcood,halka kooxda Stoke City ay horyaalka uga jirto kaalinta 12-aad,iyadoo leh 18-dhibcood.

Kooxda Queens Park Rangers ayaa ka soo baxday sedaxda kooxood ee ugu hooseeya horyaalka ingiriiska,ka dib markii ay 2-0 uga badisay kooxda Burnley.

Kooxda Queens Park Rangers ayaa waxaa qeybtii danbe ee ciyaarta labada gool u kala dhaliyay ciyaaryahanada kala ah Leroy Fer iyo Charlie Austin.

Ciyaaryahan Charlie Austin ayaa dhamaadkii ciyaarta kaarka casaanka ah ka qaatay kooxda QPR.

Kooxda Queens Park Rangers ayaa horyaalka ka soo gashay kaalinta 17-aad,waxana ay leedahay 14-dhibcood,halka kooxda Burnley ay ka mid tahay sedaxda kooxood ee horyaalka ugu hooseeya.

Kooxda Liverpool ayaa garoonkeeda Anfield gool la’aan 0-0 ah kula gashay kooxda Sunderland.

Kooxda Liverpool ayaa horyaalka uga jirto kaalinta sagaalaad,waxana ay leedahay 21-dhibcood,halka kooxda Sunderland ay horyaalka uga jirto kaalinta 14-aad,iyadoo leh 15-dhibcood.

Kooxda Tottenham ayaa garoonkeeda White Hart Line barbardhac 0-0 ah kula gashay kooxda Crystal Palace.

Kooxda Tottenham ayaa horyaalka ingiriiska uga jirto kaalinta tobanaad,waxana ay leedahay 21-dhibcood,halka kooxda Crystal Palace ay horyaalka uga jirto kaalinta 15-aad,iyadoo leh 14-dhibcood.

Kooxda Hull City ayaa sidoo kale garoonkeeda KC Stadium barbardhac 0-0 ah kula gashay kooxda West Bromwich Albion.

Kooxda Hull City ayaa ka mid noqotay sedaxda kooxood ee horyaalka ugu hooseeya,halka kooxda West Bromwich ay horyaalka uga jirto kaalinta 16-aad,iyadoo leh 14-dhibcood